З
мэтай упарадкавання межаў тэрыторый сельсаветаў з межамі сельскагаспадарчых
арганізацый Капыльскім раённым Саветам дэпутатаў вынесены прапановы па
аптымізацыі адміністрацыйна-тэрытарыяльных адзінак пярвічнага ўзроўню раёна.
Як паведаміла старшыня раённага
Савета дэпутатаў Ірына Кісляк, для правядзення арганізацыйных мерапрыемстваў
створана адпаведная камісія, якую ўзначаліў старшыня райвыканкама Анатоль
Жданеня. У яе таксама ўвайшлі яго намеснікі па напрамках дзейнасці, начальнікі
некаторых аддзелаў, структурных падраздзяленняў і старшыні сельвыканкамаў,
землі якіх будуць аптымізаваны.
Згодна з распараджэннем
кіраўніка раёна распрацаваны каляндарны план мерапрыемстваў. У адпаведнасці з
ім, на дадзены момант, да 15 сакавіка, праводзіцца вывучэнне меркавання
грамадзян па гэтым пытанні. Ужо была дадзена аб’ява ў раённую газету, а таксама
на сайце райвыканкама размешчана інфармацыя з указаннем межаў, што і як будзе
змяняцца.
Па словах Ірыны Кісляк,
тэрыторыі сельсаветаў, якія закране аптымізацыя, стануць прыкладна
аднолькавымі. Такім чынам, калі да гэтага часу ў Слабада-Кучынскім сельсавеце
пражывала каля 2750 чалавек, то цяпер бу- дзе каля 2000, і наадварот, у
Бабаўнянскім прыкладна з 1560 павялічыцца да 2310. Афармленне ўсіх дакументаў і
перарэгістрацыя насельніцтва будуць праведзены аўтаматычна.
Спецыялісты падлічылі, што
ніякіх нязручнасцей жыхарам нанесена не будзе. Частка тэрыторый
Слабада-Кучынскага сельсавета з населенымі пунктамі: аграгарадок Пясочнае,
вёскі Вялешына-1, Калінаўка-2, Лугавая, Шамы, пасёлкі Ганчароўка і Малінаўка
будуць далучаны да Бабаўнянскага сельсавета. Такім чынам,
адміністрацыйна-тэрытарыяльнае дзяленне будзе адпавядаць прынцыпу «адна
гаспадарка — адзін сельсавет».
Таксама закрануць змены і
пасёлак Андросаўшчына Капыльскага сельсавета. У ім зарэгістраваны адзін
чалавек, а землі, на якіх знаходзіцца населены пункт, належаць ААТ
«Старыца-Агра». Цяпер ён будзе далучаны да Слабада-Кучынскага сельсавета, куды,
адпаведна, адносяцца землі названай гаспадаркі.
Па папярэдніх прагнозах, усе
работы па ўпарадкаванні межаў павінны быць закончаны да мая гэтага года.
Сяргей
КОЗЕЛ
«СП»