Паважаныя
супрацоўнікі і ветэраны раённага аддзела ўнутраных спраў!
Прыміце шчырыя віншаванні з
нагоды вашага прафесійнага свята. Нямала яркіх старонак упісала міліцыя ў
гісторыю нашай рэспублікі, і дзень сённяшні не выключэнне. Супрацоўнікі аддзела
заўсёды з’яўляюцца прыкладам самаадданых адносін да службовага абавязку,
цвёрдасці і справядлівасці, глыбокай зацікаўленасці ў лёсе кожнага чалавека.
Жадаем поспехаў і ўдачы на
няпростым шляху служэння Рэспубліцы Беларусь і яе народу. Шчасця, здароўя,
радасці і дабрабыту вам і вашым сем’ям.
Раённы
выканаўчы камітэт
Раённы
савет дэпутатаў
4
сакавіка — Дзень беларускай міліцыі
Лепшымі
падраздзяленнямі вобласці за мінулы год прызнаны група інфармацыйнага
забеспячэння і група па барацьбе з эканамічнымі злачынствамі, а лепшай па
прафесіі — начальнік крымінальна-выканаўчай інспекцыі Вольга Капцяева.
Група інфармацыйнага
забеспячэння ажыццяўляе рэгістрацыйна-ўліковую дзейнасць у межах сваёй
кампетэнцыі, папаўненне тэрытарыяльных банкаў даных правапарушэнняў, робіць іх
статыстычны аналіз. Як паведамілі ў групе, за 2015 год у Капыльскі РАУС
паступіла 4318 заяў і паведамленняў ад грамадзян, складзена 1755
пратаколаў па адміністрацыйных правапарушэннях, выканана запытаў аб
прадастаўленні інфармацыі з адзінага дзяржаўнага банка даных аб правапарушэннях
— больш за 2500. Непасрэдна ўсім гэтым займаюцца старшы інспектар па
ўлікова-рэгістрацыйнай рабоце групы інфармацыйна-аналітычнага забеспячэння,
маёр міліцыі Ігар Ліпніцкі і старшы інспектар групы Наталля Контусь. Ігар
Аляксандравіч сваю дзейнасць у органах унутраных спраў пачаў у 1995 годзе
інжынерам-праграмістам, а з 2001 года — на сваёй цяперашняй пасадзе. Наталля
Анатольеўна ў Капыльскім РАУС працуе з 2007 года.
Штомесячнае правядзенне
мерапрыемстваў рознай накіраванасці ў адносінах да асоб, якія маюць судзімасць,
дае пэўныя станоўчыя вынікі, што пацвярджаецца зніжэннем удзельнай вагі
рэцыдыўных злачынстваў. Вынікі работы за 2015 год паказалі, што агульная колькасць
зарэгістраваных злачынстваў зменшылася з 284 у 2014 годзе да 278 у 2015, г.зн.
на 2,1%. 56 асоб, якія маюць судзімасць, здзейснілі 62 злачынствы (2014 — 129).
Адзначана зніжэнне ўзроўню рэцыдыўнай злачыннасці на 26,7%, удзельная вага якой
склала 35,6% (2014 — 62,3%) пры сярэднеабласным паказчыку 47%. Вялікая заслуга
ў гэтым крымінальна-выканаўчай інспекцыі міліцыі грамадскай бяспекі, якую ўжо
трэці год узначальвае маёр міліцыі Вольга Капцяева. Вольга Уладзіміраўна ў
органы ўнутраных спраў трапіла не адразу. Пасля заканчэння Акадэміі кіравання
пры Прэзідэнце Рэспублікі Беларусь працавала педагогам-арганізатарам,
сацыяльным педагогам, метадыстам аддзела адукацыі. Але, як бачым, сваё
прызванне знайшла ў міліцыі. І гэта не застаецца незаўважаным.
За 2015 год супрацоўнікамі
групы па барацьбе з эканамічнымі злачынствамі выяўлена 19 парушэнняў
заканадаўства, 12 з якіх з’яўляюцца карупцыйнымі, 10 адносяцца да катэгорыі
цяжкіх і асабліва цяжкіх. Па выяўленых злачынствах крымінальныя справы
ўзбуджаны ў адносінах да васьмі службовых асоб. У ходзе правядзення
аператыўна-прафілактычных мерапрыемстваў з незаконнага абароту канфіскавана
таварна-матэрыяльных каштоўнасцей на суму 651 млн рублёў. Такія паказчыкі
дасягнуты дзякуючы ўмелым і адказным адносінам да справы старшага
ўпаўнаважанага групы па барацьбе з эканамічнымі злачынствамі крымінальнай
міліцыі, маёра міліцыі Руслана Бабкова і оперупаўнаважанага, маёра міліцыі
Уладзіміра Анішчанкі. На сваёй пасадзе Руслан Мікалаевіч з 2011 года, да гэтага
больш за дзясятак гадоў быў следчым. Уладзіміру Віктаравічу пасля заканчэння
Акадэміі МУС Рэспублікі Беларусь давялося папрацаваць і ў крымінальным вышуку,
і ў групе па наркакантролі, і ў службе аховы, а з 2012 года — у групе БЭП.
Сяргей
КОЗЕЛ
Фота
Сяргея ЛАЗОЎСКАГА
«СП» http://www.kopyl.by