Удзел
у ім прынялі прадстаўнікі большасці прадпрыемстваў, арганізацый і ўстаноў
раёна.
Ідуць работы ў зоне адпачынку
Сваё імкненне зрабіць родны
горад больш чыстым і прыгожым прадэманстравалі супрацоўнікі аддзела адукацыі,
спорту і турызму райвыканкама, якія працавалі ў скверы ля Алеі герояў. Менш за
гадзіну спатрэбілася ім, каб згрэбці ў кучы струхнелае лісце, галінкі, сабраць
смецце. А потым загрузіць усё гэта ў трактарны прычэп (тэхніку для збору смецця
прадаставіла КУП «Капыльская ЖКГ»). Тут жа, у скверы, працавалі прадстаўнікі
іншых арганізацый горада.
Наводзіцца парадак ля раённага
Цэнтра культуры
Не засталася па-за ўвагай і
пойма ракі Каменкі, якая карыстаецца папулярнасцю ў капылян. Тут знайшлася
справа для работнікаў упраўлення па працы, занятасці і сацыяльнай абароне
райвыканкама. А вось супрацоўнікі райсавета дэпутатаў, апарату райвыканкама,
некаторых яго аддзелаў сабраліся ў гарадской зоне адпачынку. Дапамагалі ім у
рабоце прадстаўнікі капыльскага лясгаса, якія ўзброіліся бензапіламі і
кустарэзамі. Як расказала Ірына Кісляк, старшыня раённага Савета дэпутатаў,
гэты ўпадабаны капылянамі куточак лесу патрабуе самай пільнай увагі. «Толькі
адным суботнікам тут не абысціся, — лічыць Ірына Мікалаеўна. — Работы па навядзенні
парадку ў гэтай зоне будуць працягвацца і далей. Аднак трэба, каб кожны, хто
вырашыць правесці тут свой вольны час, таксама клапаціўся аб падтрыманні
чысціні і парадку. Не думаю, што вельмі цяжка патраціць літаральна пяць-дзесяць
хвілін, каб прыбраць за сабой рэшткі ежы і спажыты посуд. Тым больш, што
кантэйнеры для смецця стаяць на кожным кроку».
На суботніку — работнікі СТАА
«Капыльская вытворчасць будаўнічых сістэм»
У зоне адпачынку на дапамогу
прыйшлі работнікі лясгаса
Разам са старшынёй райсавета мы
праехалі па горадзе, каб паглядзець, як ідзе суботнік. Старанна шчыравалі ля
ўваходу на сваю тэрыторыю і ўздоўж яе агароджы работнікі СТАА «Капыльская
вытворчасць будаўнічых сістэм»: выграбалі лісце, бялілі ствалы дрэў. Былі
арганізаваны работы па навядзенні парадку аддзелам ідэалагічнай работы,
культуры і па справах моладзі райвыканкама, КУП «Капыльскі РБУ», ААТ «Капыльскі
РКБА», КУП «Капыльская ЖКГ», райспажыўтаварыствам і інш.
Работнікі кацельні № 5 КУП
«Капыльская ЖКГ»
Паводле слоў Ірыны Кісляк,
падчас суботніка работы вяліся не толькі на гарадскіх вуліцах. Так, упраўленне
райсельгасхарчу працавала на добраўпарадкаванні грамадзянскіх могілак у аграгарадку
Н. Доктаравічы, а землеўпарадкавальная служба зай-малася такой жа справай у
Пясочным. Фінансавы аддзел райвыканкама быў заняты на ўборцы пустуючых участкаў
у Капыльскім сельсавеце (в. Чырвоны Партызан), інспекцыя МПЗ Рэспублікі
Беларусь па Капыльскім раёне — у Цімкавіцкім сельсавеце, аддзел ідэалагічнай
работы, культуры і па справах моладзі райвыканкама — у Бучацінскім. Адгукнуліся
на заклік прыняць удзел у суботніку ўстановы адукацыі, аховы здароўя,
сацыяльныя работнікі, наводзіла парадак на сваіх прысядзібных участках і
насельніцтва раёна.
Безумоўна, за адзін дзень
выканаць усё запланаванае немагчыма, таму работы па навядзенні парадку на
роднай зямлі, добраўпарадкаванні населеных пунктаў раёна і азеляненні
працягнуцца. Тым больш, што гэтага патрабуе адпаведнае распараджэнне старшыні
райвыканкама.
Маргарыта
САКОВІЧ
Фота
аўтара
«СП» http://www.kopyl.by
