У яе
рамках прадстаўнікі Беларускага фонду міру, раённага Савета ветэранаў,
Беларускага саюза афіцэраў, піянеры і члены ГА «БРСМ» сустракаюцца з ветэранамі
Вялікай Айчыннай вайны раёна.
Набытыя за кошт арганізатараў —
Беларускага фонду міру — шыльды са словамі «Тут жыве ветэран Вялікай Айчыннай
вайны. Дзякуй за Перамогу!» упрыгожваюць домаўладанні былых абаронцаў краіны.
Яны ўжо прымацаваны ля дамоў і кватэр у Капылі, днямі з’явіліся на сядзібах
Мікалая Акімавіча Дзідэнкі і Кузьмы Савельевіча Місевіча з аграгарадка
Цімкавічы, Яўгеніі Лук’янаўны Купрыянавай з в. Вялікія Прусы
і Фёдара Карпавіча Голуба з в. Доўгае. Аднак прымацаваць таблічкі — толькі
паўсправы, галоўная мэта ўдзельнікаў акцыі — сустрэчы з ветэранамі, гутаркі з
імі. А гэтым людзям ёсць чым падзяліцца з сучаснікамі.
Л.М. Камёнка гутарыць з М.А.
Дзідэнкам
— Нам важныя ўспаміны жывых
сведкаў, якія з’яўляюцца жыццёвым прыкладам для моладзі. Любая памяць, сустрэча
з абаронцамі — гэта заклік да захавання міру на зямлі, — адзначыла старшыня
раённага аддзялення грамадскага аб’яднання «Беларускі фонд міру» Людміла
Камёнка. — Мы не павінны забываць жахі вайны, пакуты і смерць мільёнаў. Гэта
было б злачынствам перад загінуўшымі, злачынствам перад будучыняй. Ушанаваць
подзвіг — наш абавязак.
Удзельнікі акцыі сустрэліся з
К.С. Місевічам
— Прыярытэтным напрамкам у
рабоце з падрастаючым пакаленнем у нашай школе з’яўляецца патрыятычнае
выхаванне, — дадае намеснік дырэктара па выхаваўчай рабоце Цімкавіцкай СШ
Вольга Чыгір. — На працягу года мы аказваем сваім ветэранам пасільную дапамогу
ў сельгасработах, запрашаем іх на сустрэчы. З вялікім задавальненнем мы
далучыліся да рэспубліканскай акцыі. Нашы актывісты — піянеры Вікторыя Пешкур,
Яна Малішэўская, члены саюза моладзі Вікторыя Корбут і Дзяніс Бабеня — не змаглі
застацца ўбаку ад гэтай важнай справы і прынялі ў ёй удзел.
Сяргей
КОЗЕЛ
Фота
аўтара
«СП» http://www.kopyl.by
