Усе мерапрыемствы праходзяць у
межах Года культуры. Педагогі і школьнікі прыклалі шмат намаганняў, каб
тэрыторыя школы заблішчала чысцінёй: разрыхляюцца кветнікі, завозіцца і
падсыпаецца ўрадлівая глеба, праводзіцца абрэзка і пабелка яблынь, сліў. Вучні
сярэдніх класаў працавалі каля помнікаў воінам, партызанам і землякам,
загінуўшым у гады Вялікай Айчыннай вайны (на здымку). Пяцікласнікі прыбралі
зламаныя галіны дрэў на грамадзянскіх могілках, пазалеташнюю траву і лісце,
падмялі дарожкі, падсыпалі свежы пясок на надмагільныя пліты.
Таксама прайшоў суботнік на
палетках ААТ «Старыца-Агра». Настаўнікі, тэхнічны персанал, вучні старэйшых
класаў сабралі камяні на плошчы 20 гектараў, тым самым падрыхтавалі глебу для
пасеву элітнага ячменю. Акрамя таго, падчас акцыі «Тыдзень лесу–2016» была
арганізавана пасадка лесу ў Старыцкім вопытна-вытворчым лясніцтве.
Барыс
ДЗЕНІСЮК,
член ГА «Беларускі саюз
журналістаў»
«СП» http://www.kopyl.by
