У
акцыі прынялі ўдзел актывісты клуба «Патрыёты Радзімы» ДУА «Слабадакучынская
сярэдняя школа», члены ГА «Беларускі саюз афіцэраў», прадстаўнікі МНС і
ААТ «Старыца-Агра».
Памятная таблічка з выявай
ордэна Айчыннай вайны І ступені ўстаноўлена ў вёсцы Астрэйкі на доме ветэрана
Вячаслава Гапонава, удзельніка Вялікай Айчыннай вайны і вайны з Японіяй.
І гэта сімвалічна. Вячаслаў Пятровіч — кавалер ордэнаў Чырвонай Зоркі і
Айчыннай вайны ІІ ступені, апошні ветэран Слабада-Кучынскага сельсавета.
Змагаўся з ворагам у скла- дзе партызанскага атрада імя Кутузава 2-й Мінскай
брыгады (сувязны і разведчык), а затым у батальёне марской пяхоты (старшына),
вызваляў г. Порт-Артур (Кітай) ад японскіх мілітарыстаў. Служыў мічманам на
падводнай лодцы «Щука–125» на Далёкім Усходзе.
— Дзякуй за захаванне ў памяці
подзвігу народа. Моладзь павінна ведаць, якой цаной заваяваны мір, —
адзначыў падчас гутаркі ветэран вайны і працы.
Непадкупная сціпласць пажылога
мужчыны кранула ўдзельнікаў мерапрыемства. Са словамі ўдзячнасці ў адказ
выступіла член БРСМ Наталля Леус:
— Ваша жыццё — прыклад мужнасці,
самаадданасці і высакароднасці для падрастаючага пакалення. Мы станем дастойнай
зменай вам і будзем раўняцца на герояў вайны.
Барыс
ДЗЕНІСЮК,
член ГА «Беларускі саюз
журналістаў»
«СП» http://www.kopyl.by
