3
ліпеня — Дзень Незалежнасці Рэспублікі Беларусь — стала па-сапраўднаму яскравым
святам для Таццяны і Івана Сідарэнкаў з Капыля. Менавіта гэтай святочнай летняй
раніцай у іх сям’і нарадзілася дачушачка, якую назвалі Настассяй.
Павіншаваць матулю ў акушэрскае
аддзяленне Капыльскай ЦРБ прыйшлі старшыня РА РГА «Белая Русь» Марыя Сандрозд,
першы сакратар РК ГА «БРСМ» Вікторыя Шостак і галоўны спецыяліст райкама
Настасся Гірко. Шчаслівай жанчыне і яе дачушцы ўручылі прыемныя падарункі і
пажадалі моцнага здароўя і шчасця. Дарэчы, ужо на працягу сямі гадоў праходзіць
акцыя, якая так і называецца «Белая Русь» — з любоўю да дзяцей». Падчас гэтай
акцыі мамы, чые сыночкі або дачушкі з’явіліся на свет 3 ліпеня, атрымліваюць
падарункі ад грамадскага аб’яднання «Белая Русь», а таксама іншых
арганізацый.
У сям’і Сідарэнкаў гэта другое
дзіця: дома разам з татам вяртання мамы і сястрычкі чакае пяцігадовы Дзімка.
Дарэчы, тата Іван працуе ў Капыльскім аддзяленні Дэпартамента аховы МУС
Рэспублікі Беларусь, а Таццяна да таго часу, пакуль не пайшла ў сацыяльны
водпуск па цяжарнасці і родах, з’яўлялася супрацоўніцай райветстанцыі.Шчасця
табе, Настасся Іванаўна!
Дзіяна
ТКАЧЭНКА
Фота
аўтара
«СП» http://www.kopyl.by