Моладзь
Капыльшчыны ніколі не застаецца ўбаку ад важных палітычных падзей. Вось і зараз
яна рыхтуецца да парламенцкіх выбараў. Мы звярнуліся да некаторых яе
прадстаўнікоў з пытаннем: чаму Вы пойдзеце на выбары?
Ірына
МАЦЮХІНА, кіраўнік спраў Пацейкаўскага сельвыканкама:
— Для мяне важна, як будзе ў
далейшым развівацца наш раён і краіна ў цэлым. А выбары — гэта магчымасць
кожнага грамадзяніна паўплываць на гэта. Менавіта таму я лічу сваім грамадзянскім
абавязкам прыйсці на выбарчы ўчастак і выказаць сваё меркаванне. Некаторыя
думаюць, што іх голас нічога не вырашае. Пры гэтым усё роўна ў кожнага ў душы
ёсць сімпатыі да таго ці іншага кандыдата, ёсць сваё бачанне заўтрашняга дня.
Таму трэба абавязкова прыняць удзел у палітычнай кампаніі.
Віктар
МІНЕЦ, майстар вытворчага навучання УА «Капыльскі дзяржаўны каледж»:
— У мяне, як і ў кожнага, ёсць
свае прынцыпы, якімі кіруюся ў жыцці. Адзін з іх — гэта абавязак, які ўсклаў на
сябе: пайсці на выбары і аддаць свой голас за таго, каго хацеў бы бачыць у
парламенце. Як можа быць інакш, калі выбары, па сутнасці, вырашаюць будучыню
Беларусі? Я хачу бачыць мірнае неба над сваёй галавой. Наша моладзь хоча жыць у
краіне са светлай будучыняй.
Таццяна
ДУБОВІК, в.а. першага сакратара РК ГА «БРСМ»:
— Выбары — гэта адна з важных
палітычных па-дзей у краіне. Цяпер мы ўважліва вывучаем перадвыбарчыя праграмы
ўсіх кандыдатаў, каб зрабіць усвядомлены і правільны выбар. У нас даволі многа
рознабаковых, таленавітых, захопленых цікавымі ідэямі маладых людзей. Яны —
будучыня краіны, таму іх неабходна падтрымліваць. Увогуле ж у нашай краіне
кожны можа сябе рэалізаваць у любой справе — было б жаданне. Таму я буду
галасаваць за свабодную, мудрую, моцную, стабільную, крэатыўную Беларусь.
Падрыхтаваў
Сяргей КОЗЕЛ
«СП» http://www.kopyl.by
