Экспазіцыя
дзяржаўных музеяў Мінскай вобласці пад агульнай назвай «Памятаем мінулае,
шануем сучаснае, думаем пра будучае» адзначана Дыпломам I ступені на III Нацыянальным
форуме «Музеі Беларусі», які завяршыўся ў Магілёве.
Ад Міншчыны ўдзел прымалі 12
музеяў, у іх ліку — Капыльскі раённы краязнаўчы музей з экспазіцыяй
«Катастрофа і памяць пра яе: Капыль — гісторыя яўрэйскай культуры».
Расказвае дырэктар музея Валянціна
ШУРАКОВА:
— Экспазіцыя Мінскай
вобласці аб’яднала ў сабе нашы вытокі, вечныя гістарычныя каштоўнасці,
багацце душы і светапогляду розных пакаленняў, імкненне данесці і пакінуць усё
гэта ў спадчыну нашчадкам. Каб яны ведалі, паважалі, памяталі і ганарыліся тым,
што стваралі і абаранялі іх продкі, каб з гонарам працягвалі распачатае.
Удзел у своеасаблівай выставе
прынялі каля 200 устаноў. Найважнейшая частка форуму — прафесійны конкурс. У
міжнародным журы на чале з дырэктарам расійскай Траццякоўскай галерэі Зельфірай
Трэгулавай — эксперты з Літвы, Польшчы, Эстоніі. На ўсе музеі Беларусі
— толькі пяць намінацый. А таму ва ўсіх катэгорыях справядліва першыя месцы
падзялілі на дваіх.
Міністр культуры Беларусі Барыс Святлоў: «Калі параўноўваць Нацыянальны музей з музеем краязнаўчым горада
Капыля, канешне, хто атрымае Гран-пры? Таму мы проста адмовіліся ад гэтага
Гран-пры. Можа, мы вернемся да яго праз пару гадоў».
НА
ЗДЫМКУ: Барыс Святлоў (справа) з супрацоўнікамі Капыльскага раённага
краязнаўчага музея.
«СП» http://www.kopyl.by
