Рашэннем Капыльскага
райвыканкама створана часовая камісія па садзейнічанні перапісу насельніцтва,
якую ўзначаліў намеснік старшыні райвыканкама Аляксандр Ліпніцкі, і зацверджана
Палажэнне аб ёй. Землеўпарадкавальнай службе Капыльскага райвыканкама даручана
да 1 сакавіка 2018 года прыняць меры па ўдакладненні пераліку і межаў населеных
пунктаў Капыльскага раёна і ініцыіраваць (пры неабходнасці) змяненне
адміністрацыйна-тэрытарыяльнага ўстройства, падрыхтаваць неабходныя для гэтага
дакументы.
Аддзелу архітэктуры і
будаўніцтва, КУП «Капыльская ЖКГ», сельскім выканаўчым камітэтам неабходна да 1
красавіка 2018 года забяспечыць упарадкаванне назваў вуліц, нумерацыі дамоў і
кватэр з устаноўкай аншлагаў, нумарных знакаў, таблічак з указаннем нумара
пад’езда і кватэры або іх заменай, калі яны прыйшлі ў непрыгоднасць.
Спісы сельскіх населеных
пунктаў, складзеныя на падставе даных пагаспадарчага ўліку, сельвыканкамы
павінны прадставіць у аддзел статыстыкі Капыльскага раёна да 1 студзеня 2019
года.
У папярэдне вызначаных месцах,
якія найбольш часта наведваюць жыхары нашага раёна, будуць размешчаны
інфармацыйныя паведамленні аб падрыхтоўцы і правядзенні перапісу насельніцтва
Рэспублікі Беларусь.
Маргарыта
САКОВІЧ
«СП» http://www.kopyl.by