З
добрымі вынікамі вярнуліся з абласных конкурсаў прафесійнага майстэрства сярод
аператараў сувязі і паштальёнаў па дастаўцы паштовых адпраўленняў, друкаваных
сродкаў масавай інфармацыі, а таксама сярод вадзіцеляў аўтамабіляў прадстаўнікі
Капыльскага вузла паштовай сувязі.
■ Вадзіцелі Генадзь
Чарнушэвіч і Аляксандр Сыцько з механікам Андрэем Лагодзічам (у цэнтры)
Так, нашы аператар Марына Зарэцкая
і паштальён Юлія Вароніч занялі агульнакаманднае ІІІ месца, саступіўшы толькі
супрацоўнікам Барысаўскага і Салігорскага РВПС.
Каманда вадзіцеляў заняла ІІ месца
(на І — Маладзечанскі, на ІІІ — Барысаўскі РВПС). У асабістым заліку ў класе
грузавых аўтамабіляў І месца прысуджана Аляксанд-ру Сыцько, у класе легкавых
аўтамабіляў ветэран паштовай сувязі Генадзь Чарнушэвіч заваяваў ІІ месца.
■ Аператар Марына Зарэцкая і
паштальён Юлія Вароніч
— Правядзенне прафесійных
конкурсаў дае шанс кожнаму работніку прадэманстраваць сваю кваліфікацыю, —
адзначае начальнік Капыльскага РВПС Іна Былюк. — Асноўнай мэтай конкурсу
з’яўляецца павышэнне прафесійнага майстэрства работнікаў на аснове вывучэння
прыёмаў і метадаў работы пераможцаў-канкурсантаў, стымуляванне іх творчай і
дзелавой актыўнасці, удасканаленне арганізацыі працы, павышэнне якасці паслуг,
узроўню культуры абслугоўвання насельніцтва, а таксама ўмацаванне
карпаратыўнага духу работнікаў прадпрыемства, распаўсюджванне станоўчага вопыту
работы, павышэнне прэстыжу дадзеных прафесій. Варта адзначыць сур’ёзны, творчы
падыход удзельнікаў да вырашэння пастаўленых задач, і мы вельмі задаволены іх
высокай прафесійнай падрыхтоўкай.
Сяргей
КОЗЕЛ
Фота
Паўла ШЭІНА
«СП» http://www.kopyl.by
