Урачыстае
мерапрыемства, падчас якога адбылося ўшанаванне ветэранаў
Вялікай Айчыннай вайны і працы, якія пражываюць у Мінскай вобласці,
адбылося ў Мінаблвыканкаме.
Святочная сустрэча была
арганізавана Беларускім грамадскім аб’яднаннем ветэранаў напярэдадні Дня пажылых
людзей, які адзначаецца 1 кастрычніка. Упершыню ў цэнтральным рэгіёне яна
адбылася пры падтрымцы пасольства Кітая ў Беларусі. Нагодай для правядзення мерапрыемства
ў міжнародным фармаце стала гадавіна ўтварэння КНР, якая
адзначалася 1 кастрычніка. Немалаважна і тое, што ў Мінскай вобласці пражываюць
больш за 40 ветэранаў, якія ўдзельнічалі ў вызваленні Кітая ў гады Другой
сусветнай вайны.
На ўрачыстым мерапрыемстве
прысутнічалі прадстаўнікі ўсіх рэгіёнаў Мінскай вобласці. У склад дэлегацыі
Капыльшчыны ўвайшлі старшыня раённага Савета ветэранаў Казіміра Ганчар,
старшыня пярвічнай ветэранскай арганізацыі філіяла Беларусбанка Ганна Казак і
малалетні вязень Яўген Сівец. Для выступлення на святочным канцэрце быў
запрошаны вакальны ансамбль Капыльскага РЦК «Дабрадзеі».
Напрыканцы ўрачыстага
мерапрыемства ветэранам былі ўручаны памятныя падарункі.
Сяргей
КОЗЕЛ
«СП» http://www.kopyl.by
