Прэзідыумам
Савета раённага аб’яднання прафсаюзаў падведзены вынікі агляду-конкурсу на
лепшую пярвічную прафсаюзную арганізацыю Капыльскага раёна.
Названы імёны пераможцаў. Як
паведаміла старшыня аб’яднання Галіна Лукашэвіч, I месца прысуджана пярвічнай
прафсаюзнай арганізацыі ДУА «Капыльская дапаможная школа-інтэрнат» Беларускага
прафсаюза работнікаў адукацыі і навукі (старшыня прафкама Мікалай Ярац), II
месца — ААТ «Старыца-Агра» Беларускага прафсаюза работнікаў аграпрамысловага
комплексу (старшыня прафкама Таццяна Гасанава) і III месца — УАЗ «Капыльская
ЦРБ» Беларускага прафсаюза работнікаў аховы здароўя (старшыня прафкама Людміла
Лагун). Ім уручаны грашовыя прэміі.
Адзначана станоўчая работа
пярвічных прафсаюзных арганізацый: Капыльскага вопытнага лясгаса Беларускага
прафесійнага саюза работнікаў лесу і прыродакарыстання; ДУ «Капыльскі
тэрытарыяльны цэнтр сацыяльнага абслугоўвання насельніцтва» Беларускага
прафесійнага саюза работнікаў дзяржаўных і іншых устаноў; Капыльскага
райспажыўтаварыства Беларускага прафесійнага саюза работнікаў спажыўкааперацыі;
Капыльскага вузла электрычнай сувязі Мінскага філіяла РУП «Белтэлекам»
Беларускага прафесійнага саюза работнікаў сувязі; КУП «Капыльская ЖКГ»
Беларускага прафесійнага саюза работнікаў мясцовай прамысловасці і
камунальна-бытавых прадпрыемстваў.
НА
ЗДЫМКУ: каманда Капыльскай дапаможнай школы-інтэрната падчас спартакіяды
педагогаў.
Сяргей
КОЗЕЛ
«СП» http://www.kopyl.by