Прыміце шчырыя віншаванні
з надыходзячым Новым годам!
Апошнія гадзіны адлічвае
год адыходзячы. Яшчэ адну старонку перагортвае гісторыя. Кожны яе радок — гэта
часцінка нашага жыцця, гэта добрыя справы на карысць роднай Беларусі. Жыхары
раёна дастойна жылі і працавалі ў 2017-м годзе. Мы падводзім вынікі, успамінаем
найбольш важныя падзеі мінулага года, плануем сваё жыццё ў годзе новым.
Дарагія сябры! Кожны з
нас хацеў бы зазірнуць у будучае, каб даведацца, якім будзе наступны год.
Хочацца верыць, што для нас ён стане светлым, мірным, багатым на добрыя справы.
Ад усяго сэрца жадаем, каб у вашых дамах панавалі мір і згода, спагада і любоў,
а ў любое надвор’е вас сагравала святло сэрцаў і сонечныя ўсмешкі блізкіх!
Зычым, каб Новы год прынёс вам радасць і натхненне, задавальненне ад працы на
ўласную і грамадскую карысць, а нашай любай Беларусі — дабрабыт і
росквіт!