1 лютага 1967 года за актыўны
ўдзел у партызанскім руху, за мужнасць і гераізм, праяўленыя жыхарамі Міншчыны
ў барацьбе з нямецка-фашысцкімі захопнікамі, і поспехі, дасягнутыя ў аднаўленні
народнай гаспадаркі, Мінская вобласць Указам Прэзідыума Вярхоўнага Савета СССР
узнагароджана ордэнам Леніна.
23 снежня 1970 года Мінская
вобласць узнагароджана другім ордэнам Леніна за поспехі, дасягнутыя працаўнікамі
Міншчыны ў выкананні заданняў 8-га пяцігадовага плана па развіцці прамысловай і
сельскагаспадарчай вытворчасці.
13 студзеня 1998 г. за асаблівыя
дасягненні ў сацыяльна-культурным развіцці і ў сувязі з 60-годдзем з дня
ўтварэння Указам Прэзідэнта Рэспублікі Беларусь вобласці быў прысуджаны
Ганаровы дзяржаўны сцяг Рэспублікі Беларусь.
У сувязі з 70-годдзем з дня
ўтварэння і за асаблівыя дасягненні ў гаспадарчым развіцці Мінскай вобласці
прысуджаны другі Ганаровы дзяржаўны сцяг Рэспублікі Беларусь.
Адпаведны Указ Прэзідэнт Беларусі
А.Р. Лукашэнка падпісаў 3 студзеня 2008 года.
Дарагія
жыхары Міншчыны!
Юбілей — гэта знамянальная падзея
ў жыцці рэгіёна. За восем дзесяцігоддзяў вобласць прайшла няпросты, але
паспяховы шлях, стаўшы па праве першай сярод роўных.
Сёння Міншчына з’яўляецца
цэнтральным рэгіёнам краіны не толькі па геаграфічным статусе, але і па тым
уплыве, які яна аказвае на развіццё ўсёй нашай дзяржавы.
Вобласць трывала ўтрымлівае
лідзіруючыя пазіцыі ў аграпрамысловым комплексе.
Вядзецца мэтанакіраваная работа па
мадэрнізацыі вытворчасці, укараненні новых інтэнсіўных тэхналогій, сучасных
машын і механізмаў, высокай тэхналагічнай і выканальніцкай дысцыпліны кадраў
усіх узроўняў.
Дынамічна развіваюцца
прамысловасць, будаўніцтва, іншыя галіны эканомікі. Нашы тавары купляюць больш
чым у 130 дзяржавах. А такія прамысловыя гіганты, як «Беларуськалій» і «БелАЗ»
вядомыя ва ўсім свеце. Пазітыўныя змены адбыліся ў ахове здароўя, адукацыі,
культуры, фізкультуры і спорце. З кожным днём мяняюцца нашы гарады і вёскі. У
вобласці вядзецца будаўніцтва жылля, школ, дзіцячых дашкольных устаноў, бальніц
і клубаў, фізкультурна-аздараўленчых комплексаў, дарог.
Але галоўным багаццем нашага краю
заўсёды былі людзі. Тут нарадзіліся і стваралі вялікія майстры мастацкага
слова, героі вайны і працы, выдатныя дзеячы культуры, навукоўцы, канструктары,
касманаўты.
Жыхароў Міншчыны заўсёды
адрознівала самаадданая любоў да роднай зямлі. Дзякуючы стваральнай і
добрасумленнай працы, уменню дасягаць пастаўленых мэтаў вобласць мяняецца з
года ў год, становіцца ўсё багацейшай і прыгажэйшай.
Выказваю словы глыбокай удзячнасці
і падзякі ўсім, хто ўнёс свой дастойны ўклад у агульную справу развіцця і
працвітання нашай роднай Міншчыны.
Няхай ва ўсіх справах і пачынаннях
на карысць Мінскай вобласці заўсёды спадарожнічаюць поспех і ўдача!
Анатоль
ІСАЧАНКА,
старшыня Мінскага абласнога
выканаўчага камітэта
«СП» http://www.kopyl.by