Жыццёвыя праблемы
ўзнімалі жыхары Капыльшчыны падчас прыёму, які правяла дэпутат Палаты
прадстаўнікоў Нацыянальнага сходу Рэспублікі Беларусь па Капыльскай выбарчай
акрузе № 66 Людміла Ніжэвіч (на здымку ў цэнтры).
Актывісты маладзёжнага саюза звярнуліся да
народнага выбранніка з актуальным пытаннем, якое датычылася паступлення
абітурыентаў у вышэйшыя навучальныя ўстановы, у тым ліку — на платнай аснове.
Па праблеме неразліку аднаго з
таварыстваў з абмежаванай адказнасцю па заработнай плаце звярнуліся працаўнікі
гэтага прадпрыемства. Жыхарка Капыля паскардзілася на невысокую заработную
плату, якую атрымлівае згодна з дагаворам падраду. Яшчэ адзін зварот жанчыны,
якая пражывае ў горадзе, тычыўся працаўладкавання.
Як патлумачыла Людміла Ніжэвіч, усе
ўзнятыя праблемы патрабуюць дадатковага вывучэння. Тым не менш, запэўніла
дэпутат, сумеснымі намаганнямі гэтыя пытанні будуць
вырашацца.
Сяргей ЛАЗОЎСКІ
«СП»