Раённы
план зацверджаны рашэннем Капыльскага райвыканкама.
Таксама створаны раённы штаб, які
забяспечыць каардынацыю работы ў названым напрамку. Яго ўзначаліў старшыня
райвыканкама Анатоль Ліневіч, а членамі сталі намеснікі старшыні па розных
напрамках дзейнасці, кіраўнікі пэўных арганізацый, устаноў і прадпрыемстваў
Капыльшчыны.
Для выканання мерапрыемстваў па
навядзенні парадку за прадпрыемствамі, арганізацыямі і ўстановамі г. Капыля
замацаваны тэрыторыі горада, вызначанымі органамі будзе ажыццяўляцца штомесячны
кантроль за іх санітарным станам. Арганізацыі і прадпрыемствы горада (згодна з
зацверджаным спісам) будуць аказваць дапамогу сельвыканкамам па навядзенні
парадку на зямлі.
У работах па навядзенні парадку
будуць задзейнічаны валанцёры, грамадскія арганізацыі, моладзь, запланавана
правядзенне суботнікаў і месячнікаў (у вясновы і асенні перыяды). Вялікая ўвага
будзе надавацца стану грамадзянскіх могілак, гаражных кааператываў,
унутрыгаспадарчых кар’ераў і г.д.
Маргарыта
САКОВІЧ
«СП» http://www.kopyl.by