Удзел у
спаборніцтвах прымалі дзевяць каманд: Капыльскай ЖКГ, Капыльскага дзяржаўнага
каледжа, Капыльскага раёна газазабеспячэння «Газавік», дзіцяча-юнацкай
спартыўнай школы аграпрамысловага комплексу, раённага аддзела па надзвычайных
сітуацыях, населеных пунктаў Пясочнае, Мажа, Бабоўня і каманда студэнтаў ‒ ураджэнцаў Капыля «Тарпеда».
— Кубак раёна па міні-футболе
традыцыйна праводзіцца з мэтай актывізацыі фізкультурна-аздараўленчай і
спартыўнай работы па месцы жыхарства і далучэння насельніцтва да здаровага ладу
жыцця, — адзначыў дырэктар Капыльскага фізкультурна-аздараўленчага цэнтра
Віктар Васілеўскі. — Яго арганізатарам выступіў аддзел адукацыі, спорту і
турызму райвыканкама пры падтрымцы раённага аб’яднання прафсаюзаў і райкама ГА
«БРСМ». Спаборніцтвы праходзілі ў напружанай барацьбе, усе каманды паказалі
высокі ўзровень падрыхтоўкі. Да апошняга тура не маглі вызначыць прызёра
турніру. У апошняй гульні вырашаўся лёс «Мажы» і «Пясочнага».
Такім чынам, Кубак раёна заваявала
каманда «ДЮСШ АПК». Яна была мацнейшай ва ўсіх паядынках, акрамя аднаго. На
другім месцы «Газавік», які на два ачкі адстаў ад лідара. А ў барацьбе за
трэцяе месца перамога дасталася «Мажы».
Вызначаны пераможцы і ў пэўных намінацыях.
Так, лепшым бамбардзірам прызнаны Павел Лазоўскі з «ДЮСШ АПК», на рахунку якога
27 забітых галоў. Самую прыгожую і стабільную гульню паказаў Максім Лявіцкі з
«Мажы», які стаў лепшым іграком. Па рашэнні судзейскай калегіі лепшы варатар —
Мікалай Булаўкін з каманды «Пясочнае».
Раённая арганізацыя БРСМ на
працягу ўсіх гульняў праводзіла конкурс сімпатый гледачоў. Па яго выніках
выяўлены два лідары. Большасць галасоў аддадзена Аляксандру Татуру з «Тарпеда»
і Дзмітрыю Ічэнскаму з «Пясочнага».
Усе пераможцы і прызёры атрымалі
заслужаныя ўзнагароды.
Трэба адзначыць, што турнір з
кожным годам набывае ўсё большую папулярнасць як у ігракоў, так і ў гледачоў.
Нягледзячы на вячэрні час і выхадныя, на матчы збіраліся каля 150‒ 200 балельшчыкаў, што, вядома, сведчыць аб цікавасці да турніру.
НА
ЗДЫМКУ: каманды «ДЮСШ АПК» і
«Газавік».
Сяргей
КОЗЕЛ
