У яе складзе былі дэпутаты раённага Савета
дэпутатаў і старшыні сельвыканкамаў.
Экскурсія па рэзідэнцыі Прэзідэнта нашай краіны доўжылася больш за дзве
гадзіны. А дапамагла яе арганізаваць дэпутат Палаты прадстаўнікоў Нацыянальнага
сходу Рэспублікі Беларусь Людміла Ніжэвіч.
Паводле слоў старшыні Цімкавіцкага сельвыканкама Алены Острыкавай,
удзельнікі паездкі атрымалі самыя лепшыя ўражанні. Была магчымасць наведаць
залы, дзе праводзяцца мерапрыемствы дзяржаўнай важнасці, міжнародныя сустрэчы,
перагаворы лідараў дзяржаў, цырымоніі ўзнагароджвання. «Адметна, што інтэр’еры
ў залах створаны рукамі беларускіх майстроў, — расказвае Алена Мечыславаўна, —
што сведчыць пра нацыянальную самабытнасць Палаца Незалежнасці. Сцены
ўпрыгожваюць палотны беларускіх мастакоў, габелены і ўнікальныя пано. Вельмі
спадабалася выстава падарункаў, якія былі ўручаны Прэзідэнту падчас афіцыйных
візітаў, і «зімовы сад». Я думаю, што тут варта пабываць кожнаму, каб адчуць
гонар за нашу рэспубліку, за нашу зямлю пад белымі крыламі».
Маргарыта САКОВІЧ
