На чарговы
прыём, праведзены старшынёй Капыльскага райвыканкама Анатолем Ліневічам,
звярнуліся трое грамадзян.
Жыхар вул. Капыльскай, што ў в.
Доктаравічы, скардзіўся на перавышэнне хуткасці транспарту, які праязджае каля
яго дома па аўтадарозе Капыль – Слуцк. Як запэўніў супрацоўнік аддзялення
Дзяржаўтаінспекцыі, на дадзеным участку знаходзяцца дарожныя знакі, якія
абмяжоўваюць хуткасць, для кантролю за рухам неаднаразова выязджалі нарады
дарожна-патрульнай службы. Аднак парушэнні правіл усё роўна адбываюцца… Як
запэўніў Анатоль Ліневіч, будзе створана камісія, якая дэталёва вывучыць
сітуацыю і вынесе прапановы па ўпарадкаванні дарожнага руху.
Жыхар Салігорскага раёна звярнуўся
з просьбай выкупу фермы, збожжасклада і выдзялення зямельнага ўчастка ў в.
Садавічы для вядзення фермерскай гаспадаркі. Як паведамілі прадстаўнікі
зацікаўленых структур, такой магчымасці няма, паколькі ўсе аб’екты
эксплуатуюцца мясцовым сельгаспрадпрыемствам.
Пытанне па рамонце ўчастка дарогі
па вул. Майскай у в. Старая Гута будзе вывучана адпаведнымі спецыялістамі,
пасля чаго — прынята канкрэтнае рашэнне.
Сергей
КОЗЕЛ
