У раёне праходзяць
сустрэчы прадстаўнікоў мясцовых органаў улады з працоўнымі калектывамі і
насельніцтвам. Старшыня райвыканкама Анатоль Ліневіч і яго намеснікі ў
лістападзе выязджалі ў арганізацыі, прадпрыемствы, установы, гаспадаркі раёна,
дзе гутарылі аб надзённым.
Не засталася ўбаку ад мерапрыемства і
старшыня раённага Савета дэпутатаў Ірына Кісляк, якая чарговую сустрэчу правяла
на тэрыторыі Грозаўскага сельсавета ў адміністрацыйным будынку ААТ «Праснакі».
Ірына Мікалаеўна пазнаёміла з сацыяльна-эканамічным развіццём Капыльшчыны,
асноўнымі напрамкамі работы мясцовай улады, звярнула ўвагу на
добраўпарадкаванне і навядзенне парадку на зямлі і іншыя пытанні. У сваю чаргу
прысутныя, а іх у Праснаках сабралася каля 20 чалавек, змаглі звярнуцца да
прадстаўніка ўлады з тым, што найбольш хвалюе. Некаторыя праблемы вырашаны на
месцы, астатнія знаходзяцца на кантролі. У прыватнасці, па завяршэнні рамонту
дарогі ад Праснакоў да Стараселля і наконт бадзяжных сабак у аграгарадку Камень
і г. Капылі.
Сяргей КОЗЕЛ
