Прадаўжаюцца
сустрэчы кіраўніцтва раёна з працоўнымі калектывамі. Згодна з графікам старшыня
раённага Савета дэпутатаў Ірына Кісляк выехала ў ААТ «Душава».
Ірына Мікалаеўна праінфармавала
прысутных наконт таго, як заканчваецца працоўны год, пра выкананне прагнозных
паказчыкаў. Дэталёва была закранута вытворчасць у галіне сельскай гаспадаркі.
Заўсёды актуальным застаецца
пытанне добраўпарадкавання і навядзення парадку на зямлі (як у населеных
пунктах, так і на могілках), таму яму была нададзена значная ўвага. Былі
закрануты праблемы выкарыстання пустуючых участкаў, стварэння стыхійных сметнікаў,
дарожнага абслугоўвання сельскіх населеных пунктаў, сітуацыі з вадой (у
прыватнасці, у в. Душава), забеспячэння энергазберагальнымі ліхтарамі.
У абавязковым парадку адбылося
абмеркаванне даволі важных пытанняў — дарожнай і пажарнай бяспекі. Пра іх актуальнасць
гаварылі старшы інспектар ДПС АДАІ Капыльскага РАУС Арцём Лазоўскі і старшыня
Пацейкаўскага сельвыканкама Сяргей Цвірко.
Сяргей
КОЗЕЛ
