З 11 па 31 сакавіка
бягучага года на Капыльшчыне праходзіць акцыя «Дзень бяспекі. Увага ўсім!»,
прысвечаная Сусветнаму дню грамадзянскай абароны.
Як паведаміў начальнік Капыльскага
раённага аддзела па надзвычайных сітуацыях Віталь Ільючык, каб ахапіць розныя
катэгорыі насельніцтва, акцыя арганізавана ў два этапы. Работнікі органаў і
падраздзяленняў па надзвычайных сітуацыях разам з актывістамі Беларускай
маладзёжнай грамадскай арганізацыі выратавальнікаў-пажарных правядуць
квэст-гульню «Надзвычайная сітуацыя» з навучэнцамі ўстаноў адукацыі раёна, дзе
тыя паспрабуюць правесці эвакуацыю з зоны надзвычайнай сітуацыі, арганізаваць
выклік службы выратавання, сабраць «Возера ртуці» і іншае. Мэтавай аўдыторыяй
другога этапу стануць пенсіянеры, адзінока пражываючыя і беспрацоўныя
грамадзяне, жыхары сельскіх населеных пунктаў.
Маргарита САКОВИЧ
