20 красавіка ў Беларусі
аб’яўлены рэспубліканскі суботнік. Гэта вызначана пастановай Савета Міністраў
Рэспублікі Беларусь ад 10 красавіка 2019 года. У гэты ж дзень капыляне
выйдуць і на раённы суботнік.
Жыхары горада і раёна будуць працаваць на
сваіх працоўных месцах, падведамасных тэрыторыях, наводзіць чысціню і парадак
на вуліцах райцэнтра, у аграгарадках і вёс-ках, вакол месц баявой і воінскай
славы, пахаванняў часоў Вялікай Айчыннай вайны, гісторыка-культурных
каштоўнасцей і г.д.
Грошы, заробленыя на суботніку, пойдуць на
важныя справы: рамонт, рэстаўрацыю, аднаўленне і падтрыманне ў парадку помнікаў
гісторыі і культуры, месц баявой і воінскай славы, пахаванняў часоў Вялікай
Айчыннай вайны, добраўпарадкаванне горада і раёна і іншыя мэты.
Сяргей КОЗЕЛ