Практыка
правядзення выязных пасяджэнняў раённага выканаўчага камітэта спрыяе ў
вырашэнні многіх праблемных пытанняў. У перыяд падрыхтоўкі да пасяджэння ў
месцах яго правядзення агульнымі намаганнямі выконваецца вялікі аб’ём
работ, і ў першую чаргу па добраўпарадкаванні тэрыторый.
■ Падчас
наведвання Русакоўскага дзіцячага сада
Як заўважыў падчас нядаўняга
пасяджэння, якое прайшло на тэрыторыі Слабада-Кучынскага сельсавета, старшыня
райвыканкама Анатоль Ліневіч, такая форма работы з’яўляецца добрым стымулам для
навядзення і падтрымання парадку ў населеных пунктах. Неабходна ўсё, што
зроблена агульнымі намаганнямі, берагчы, захоўваць і памнажаць.
Рыхтуюцца да мерапрыемства ўсе
ўстановы і арганізацыі, размешчаныя на тэрыторыі сельсавета. Напрыклад, з
вялікай адказнасцю да сустрэчы гасцей аднесліся ў Русакоўскім дзіцячым садзе.
Вельмі ўразіла акуратнасць і чысціня на прылеглай тэрыторыі. Па словах Анатоля
Ліневіча, так павінна быць ля кожнай навучальнай установы, ды і ўвогуле ля
кожнай арганізацыі. Як заўсёды, цёпла сустракалі гасцей выхаванцы і педагогі
дашкольнай установы (дарэчы, адной з лепшых у раёне). Паколькі дзіцячы сад
з’яўляецца адным з самых напаўняльных, то неабходна прапрацоўваць пытанне аб
яго далейшым развіцці.
У Старыцкай сярэдняй школе большы
ўхіл робіцца на выкарыстанне новых тэхналогій. Вялікай падтрымкай тут
з’яўляецца выкарыстанне падарунка ад аблвыканкама — мультыборда. Школа таксама
знаходзіцца ў ліку лепшых па паспяховасці навучання. У ёй створаны належныя
ўмовы для знаходжання дзяцей. Толькі ёсць патрэба ў асфальтаванні тэрыторыі
школьнага двара. У вырашэнні гэтага пытання павінна дапамагчы кіраўніцтва
раёна.
Ямачнага рамонту патрабуюць
пад’езд і тэрыторыя Старыцкай участковай бальніцы. Вырашэнне гэтай праблемы
таксама ўзята на кантроль.
Удзельнікі пасяджэння азнаёміліся
і з ходам будаўніцтва жывёлагадоўчага комплексу ў аграгарадку Старыца.
■НапрэзентацыіўСл.-Кучынскайбібліятэцы-клубебратоў-спартсменаўКандыбовічаў
З кожным годам змяняецца тэрыторыя
каля будынка, дзе размешчаны Слабада-Кучынскі сельвыканкам і мясцовы ФАП. Знята
старая агароджа, замест яе высаджваецца дэкаратыўны кустарнік, з’яўляюцца і
новыя клумбы.
Уразіла прысутных
культурна-гістарычная прэзентацыя слабада-кучынскага краю, падрыхтаваная
мясцовай бібліятэкай-клубам.
Магазін райспажыўтаварыства,
размешчаны ў цэнтры Слабада-Кучынкі, прыцягнуў увагу багатым асартыментам і
ветлівасцю прадаўцоў. А вось побач з ім знаходзіцца шматгадовая праблема —
недабудаваны гандлёвы цэнтр. Расказаць пра яго нават выйшлі мясцовыя жыхары.
«Справа ў тым, што будынак стаіць ужо некалькі дзесяцігоддзяў, яго для гульні
аблюбавалі дзеці. Хаця б якой бяды не выйшла», — расказвалі жанчыны.
Пытанне таксама ўзята на кантроль.
Гэтак, як і іншыя: недастатковая
замена агароджаў па населеных пунктах, навядзенне парадку на грамадзянскіх могілках,
лёс гаспадарчых пабудоў, якія не выкарыстоўваюцца, уборка дрэў паабапал дарогі
са Слабада-Кучынкі на Харытонаўку і г.д.
Пры наведванні ўсіх аб’ектаў
адчувалася, што мясцовая ўлада працуе ў цесным кантакце з
сельгаспрадпрыемствам. Дырэктар ААТ «Старыца-Агра» Уладзімір Рудакоўскі, як
ранейшы дэпутат абласнога Савета дэпутатаў, а цяперашні — раённага, добра
разумее ўсе праблемы, з якімі сутыкаецца сельвыканкам, таму заўсёды ідзе на
дапамогу ў іх вырашэнні.
Ужо традыцыйнай часткай
мерапрыемства стала дэманстрацыя відэафільма аб родных мясцінах. Гэта практыка
прадоўжыцца і надалей. Анатоль Ліневіч выказаў прапанову ў далейшым на паказ
фільма запрашаць дэпутатаў і актыў сельсавета, каб потым разам абмяркоўваць
набалелыя пытанні, а таксама выкарыстоўваць відэастужку падчас Дзён вёскі,
сходаў грамадзян і
г.д.
Сяргей
КОЗЕЛ
