Падчас чарговага прыёму старшынёй Капыльскага райвыканкама Анатолем
Ліневічам разгледжаны тры звароты грамадзян.
Жыхар в. Якубавічы звярнуўся
наконт выплаты заработнай платы адным з таварыстваў з абмежаванай адказнасцю за
праведзеныя будаўнічыя работы. Анатоль Канстанцінавіч даручыў даўжнікам да 20
мая роўнымі долямі разлічыцца з запазычанасцю.
Жыхар г. Мінска, ураджэнец нашага
раёна, выступіў прадстаўніком ініцыятыўнай групы па ачыстцы вадаёма ў в.
Праснакі. Гэту просьбу папрасілі перадаць яго землякі. Вядома, было б вельмі
добра, калі б побач з іх вёскай з’явілася месца, дзе можна пабыць сам-насам з
прыродай, парыбачыць. Землякі згодны сваімі сіламі дапамагчы ў навядзенні
парадку на тэрыторыі. Як патлумачыў кіраўнік раёна, прапанова будзе вывучана
адпаведнымі службамі, будзе праведзены дэталёвы аналіз для прыняцця далейшых
рашэнняў.
Індывідуальны прадпрымальнік з Капыля
некалькі апошніх гадоў прадастаўляла паслугі батута для гульні дзяцей. Аднак
узнікалі пытанні з арандаваннем участка. Ёсць яны і сёлета. Зварот заяўніцы
будзе дэталёва вывучаны ў адпаведнасці з заканадаўствам.
Сяргей
КОЗЕЛ