Самым
актуальным пытаннем, якое ўзнімалася падчас чарговага прыёму
грамадзян старшынёй райвыканкама Анатолем Ліневічам, стала
добраўпарадкаванне прыдамавых тэрыторый у Капылі.
Яго задавалі ўсе, хто звярнуўся да
кіраўніка раёна. Прычым яно датычылася як тэрыторый шматкватэрных, так і
прыватных дамоў.
Усе заяўнікі адзначалі станоўчую
работу па навядзенні парадку ў горадзе. Аднак многім хацелася б, каб нейкія
змены адбыліся і менавіта ў іх двары.
Напрыклад, жыхароў дома № 39 па
вул. Пралетарскай ужо не першы год хвалюе стан падыходаў да пад’ездаў дома,
перапоўненая стаянка. «Мы самі гатовы прыняць удзел у добраўпарадкаванні, ад
гэтага ніколі не адмаўляліся, таму і наш дом неаднойчы прызнаваўся ўзорным.
Хацелася, каб так было і надалей», — падкрэслілі заяўнікі.
Просьбы жыхароў дома № 3 па вул.
Цеплавой перыядычна выконваюцца, аднак, на іх погляд, не заўсёды гэта робіцца з
разуменнем справы і эстэтычна.
А вось у жыхароў пачатку вул.
Вішнёвай узніклі пытанні падтаплення прыдамавой тэрыторыі і прысядзібных
участкаў.
Як запэўніў кіраўнік раёна, па
ўсіх зваротах неабходна ра-забрацца з выездам на месца. Пасля дэталёвага
вывучэння будуць прыняты адпаведныя рашэнні.
Сяргей
КОЗЕЛ