Яснае і
цёплае надвор’е вабіць да вадаёмаў Капыльшчыны і дарослых, і дзяцей.
Арганізоўваючы свой адпачынак, неабходна памятаць аб захаванні правіл бяспекі.
Супрацоўнікі МНС штодня праводзяць
прафілактычныя рэйды ўздоўж вадаёмаў раёна, але самым галоўным фактарам, які
ўплывае на аператыўную абстаноўку, часцяком становіцца сам чалавек, які
пераацэньвае свае сілы і недаацэньвае ўзровень небяспекі, знаходзячыся каля
вады.
Пачаліся летнія канікулы, водпускі,
і ў гэты час трэба памятаць пра тое, што вада — гэта зона павышанай небяспекі.
У перыяд купальнага сезона, які доўжыцца тры летнія месяцы, узнікае найбольшая
рызыка здарэнняў падчас адпачынку лю-дзей на вадаёмах. Таму з яго пачаткам
праводзіцца месячнік бяспекі людзей на водных аб’ектах. Мэтай гэтага
штогадовага прафілактычнага мерапрыемства з’яўляецца павышэнне ўзроўню бяспекі
людзей пры адпачынку паблізу водных аб’ектаў, зніжэнне колькасці няшчасных
выпадкаў і гібелі людзей у вадаёмах.
Па даных АСВОД, у Беларусі штогод на
вадаёмах гіне вялікая колькасць людзей. Так, ужо з пачатку
2019 года па стане на 20 мая
ад закрыцця верхніх дыхальных
шляхоў вадой загінула 67 чалавек,
з іх 6 непаўналетніх. Пры купанні — 4, з іх 1 непаўна-летні. Выратавана 32, з
іх 1 дзіця.
Толькі з пачаткам купальнага
сезона можна смела адпраўляцца адпачываць на вадаёмы. Аднак для гэтага
прыдатныя далёка не ўсе з іх. Купацца можна там, дзе ёсць абсталяваныя пляжы,
вада адпавядае санітарным нормам, а дно ачышчана ад смецця. Згодна з рэестрам
пляжаў і іншых месц масавага адпачынку насельніцтва каля вады ў 2019 годзе на
тэрыторыі раёна дзейнічаюць тры пляжы.
Інспекцыя нагляду і прафілактыкі
Капыльскага РАНС у цесным узаемадзеянні з прадстаўнікамі АСВОД і РК ГА «БРСМ»
праводзіць прафілактычную работу па прадухіленні здарэнняў на водных аб’ектах.
У рамках ме-сячніка плануецца сістэматычны кантроль і спыненне дзейнасці
незарэгістраваных месц адпачынку грамадзян на вадаёмах.
Сяргей
КОЗЕЛ
