Тэма
навядзення парадку на зямлі і добраўпарадкавання населеных пунктаў з’яўляецца
заўсёды актуальнай для раённай улады. Вынікі гэтай работы падводзяцца кожны
тыдзень, месяц, сезон.
Наша
суразмоўніца — старшыня раённага Савета дэпутатаў Ірына Кісляк.
— Ірына
Мікалаеўна, што зроблена сельвыканкамамі па добраўпарадкаванні за апошні час?
— Трэба
адзначыць, што работы па добраўпарадкаванні ідуць амаль круглагадова. Таму
зараз на парадку дня — абкошванне тэрыторый. Паўсюдна абкошваюцца населеныя
пункты, і ўжо не адзін раз, бо надвор’е спрыяе росту травы. Працуюць касілкі і
на дарогах. Вясковыя жыхары не толькі забяспечваюць выкананне патрабаванняў па
ўтрыманні індывідуальнага жылля, але і наводзяць парадак на прылеглых
тэрыторыях, абкошваюць безгаспадарныя дамы, якія знаходзяцца побач з іх
сядзібамі. Зразумела, што такім чынам яны клапоцяцца ў першую чаргу аб сваіх
інтарэсах, абараняюць свае зямельныя ўчасткі ад распаўсюджвання пустазелля. Але
сустракаюцца выпадкі, калі насельніцтва трэба заклікаць ці нават угаворваць,
каб навесці парадак. Многія людзі з разуменнем прымаюць да ведама заўвагі і
адэкватна рэагуюць на іх, а многім нават не патрабуецца рабіць ніякіх заўваг:
сапраўдны гаспадар заўсёды сам трымае сваю гаспадарку ў належным стане.
— Яшчэ
адно няпростае пытанне, над якім пастаянна працуюць сельвыканкамы, —
безгаспадарныя будынкі. Што робіцца ў гэтым напрамку?
— Мы
працуем згодна з Указам № 357. Створаны спецыяльныя камісіі, якія прызнаюць
дамы пустуючымі, безгаспадарнымі. Адна праблема — знайсці правапераемніка,
другая — угаварыць яго знесці або прывесці ў належны стан дом. Не кожны гэта
можа зрабіць па аб’ектыўных прычынах (сталы ўзрост, адсутнасць матэрыяльных
сродкаў і г.д.), а хтосьці і проста не жадае ісці насустрач. Для таго, каб
населеныя пункты мелі належны выгляд, работы прадаўжаюцца.
—
Немалаважнае месца займае і добраўпарадкаван-не могілак.
Некалькі слоў пра гэта.
— Работы
актыўна вяліся за кошт суботнікаў, прыцягнення сродкаў і сіл насельніцтва,
дзякуючы дапамозе актывістаў сельсаветаў. Зараз таксама праводзім іх
абкошванне, ачышчаем ад смецця.
— Ірына
Мікалаеўна, летась шмат увагі надавалася будаўніцтву і абустройству ў сельскіх
населеных пунктах дзіцячых пляцовак. Ці прадоўжыцца гэта работа зараз?
—
Безумоўна. Сёлета дзіцячыя пляцоўкі павінны з’явіцца ў Мажы, Н. Док-таравічах,
Слабада-Кучынцы, Русаках, Бучаціне, Праснаках і іншых населеных пунктах.
— Дзякуй
за размову.
