Раённы
турыстычны злёт працуючай моладзі, прысвечаны Дню Незалежнасці Рэспублікі
Беларусь, пройдзе на Капыльшчыне з 22 па 23 чэрвеня.
Яго
арганізатарамі выступаюць упраўленне па адукацыі, спорце і турызме
райвыканкама, аддзел ідэалагічнай работы, культуры і па справах моладзі
райвыканкама, райкам ГА «БРСМ». У спаборніцтвах прымуць удзел каманды ўстаноў,
арганізацый, прамысловых і сельскагаспадарчых прадпрыемстваў, укамплектаваныя
працаўнікамі дадзеных калектываў ва ўзросце не маладзей за 18 гадоў.
Неабходна
будзе паказаць свае спрыт, уменні і навыкі ў чатырох відах спартыўнай праграмы:
турыстычная паласа перашкод, пляжны валейбол, фігурнае ваджэнне веласіпеда,
турыстычная эстафета.
Сваю
творчасць удзельнікі турзлёту пакажуць падчас конкурсаў мастацкай самадзейнасці
і насценных газет. Будзе ацэньвацца членамі журы і ўладкоўванне турыстычнага
быту кожнай каманды. Вялікая ўвага будзе надавацца выкананню правіл пажарнай
бяспекі, іншым патрабаванням і правілам бяспекі, строга будуць карацца і
выпадкі неспартыўных паводзін. Агульнакаманднае месца вызначаць па найбольшай
суме ачкоў, атрыманых ва ўсіх відах праграмы. Пераможцаў узнагародзяць
граматамі і прызамі.
Заяўкі на
ўдзел прымаюцца да 20 чэрвеня ўключна па тэлефоне 21-4-08.
Маргарыта
САКОВІЧ