Пераважна жыллёвыя
пытанні былі разгледжаны падчас чарговага прыёму грамадзян старшынёй
райвыканкама Анатолем Ліневічам.
Жыхары вул. Пралетарскай у Капылі паўторна
за гэты год звярнуліся да кіраўніка раёна наконт пракладкі водаправода па іх
вуліцы. Трэба адзначыць, што праблема зрушылася з мёртвай кропкі. Як запэўнілі
ў Капыльскай ЖКГ, ужо рыхтуецца праект. Будаўніцтва і добраўпарадкаванне
тэрыторыі пасля пракладкі будуць зроблены з удзелам жыхароў вуліцы.
Пытанне наконт адмосткі каля дома № 3 па
вул. Замкавай павінна вырашыцца падчас запланаванага рамонту прыдамавой
тэрыторыі, а вось наконт уцяплення дома — патрабуе вывучэння.
Праблемы з батарэяй і вокнамі ў доме па
вул. Партызанскай, 40, даручана вырашыць Капыльскаму РБУ, работнікі якога
ўзводзілі гэты дом.
Пытанні наконт правядзення электрычнасці і
газазабеспячэння на новабудоўлі па вул. Нясвіжскай патрабуюць дэталёвага
вывучэння, пасля чаго будзе дадзены адказ заяўніку.
Просьба наконт часовай устаноўкі шатра ля
кафэ хуткага абслугоўвання будзе разгледжана ў бліжэйшы час і прынята
адпаведнае рашэнне.
Сяргей КОЗЕЛ