Ліпеньскай
сонечнай раніцай віншаванні прымала шматдзетная сям’я Латушкаў з вёскі
Бучаціна. І падстава — па-сапраўднаму годная: нараджэнне сына Арцёма, які
стаў шостым дзіцем.
■ МіхаілаіІрынуЛатушкаўзнараджэннемсыночкаАрцёма (уцэнтры) павіншаваліВікторыяТраяновіч, ІрынаШпілеўская, ЗояБордакіНастассяКозел
Пяшчотна прыціснуўшы малыша да сябе, у будынак Бучацінскага
сельвыканкама ўваходзіць мама Ірына Міхайлаўна разам з татам Міхаілам
Іванавічам. Бацькі задаволены: іх сына Арцёма прыехалі павіншаваць начальнік
аддзела ЗАГС райвыканкама Вікторыя Траяновіч і першы сакратар РК ГА «БРСМ»
Настасся Козел. Самы галоўны дакумент — пасведчанне аб нараджэнні — уручыла
кіраўнік спраў сельвыканкама Ірына Шпілеўская, пажадаўшы маленькаму чалавеку
здароўя і ўдачы. Букет кветак шчаслівыя бацькі прынялі з рук старшыні
сельвыканкама Зоі Бордак.
Дзеці — усмешка Божая.
У. Караткевіч
Пажадаўшы сямейнага шчасця і дабрабыту, Вікторыя Траяновіч
перадала бацькам падарунак ад райвыканкама і аддзела ЗАГС райвыканкама.
— Упэўнена, што ў вашай сям’і пануюць згода і паразуменне, —
сказала Вікторыя Сяргееўна. — А шчасце ў вас цяпер памножана на шэсць.
— Ад імя моладзі Капыльшчыны мы віншуем вас з такой знамянальнай
падзеяй — нараджэннем шостага дзіцяці, — звярнулася да Ірыны Міхайлаўны і
Міхаіла Іванавіча Настасся Козел. — Мы рады за вас і жадаем усяго найлепшага,
каб Арцём вырас годным грамадзянінам нашай краіны. А памяццю аб гэтай падзеі
стане вышыванка, якую мы сёння дорым вам у рамках акцыі «Падары нованароджанаму
вышыванку».
— Мы вельмі ўдзячны за падарункі і ўвагу, — дзеліцца ўражаннямі
Ірына Міхайлаўна. — Усё вельмі спадабалася. Дарэчы, у кастрычніку ў нас з мужам
будзе сярэбранае вяселле. Радуюць поспехамі і старэйшыя дзеці. Яўгену 23 гады,
ён працуе на Слуцкім сыраробным камбінаце. Аліна ў гэтым годзе скончыла
Бучацінскую СШ і выбрала прафесію, звязаную з лясной гаспадаркай.
Дванаццацігадовая Алена і дзевяцігадовая Даша яшчэ вучацца ў школе. Ванечку —
тры гадкі і сем месяцаў. Муж працуе ў ААТ «Ціміразеўскі» вадзіцелем. Там жа
паляводам працавала і я. Усе дзеці ў нас працавітыя, дружныя. З нагоды дзён
нараджэння смажым шашлычкі, на Новы год дорым адзін аднаму падарункі. А на 9
мая зусім па-ваеннаму запякалі на вогнішчы бульбу і сала.
