Ён
раскінецца на тэрыторыі лесапаркавай зоны ў раёне вуліцы Заазёрнай 2-й.
Адпаведнае рашэнне прыняў раённы выканаўчы камітэт.
Работы па стварэнні парку адпачынку запланавана правесці ў два
этапы. У бягучым годзе будзе прадоўжана добраўпарадкаванне дзіцячай гульнявой
пляцоўкі, стварэнне зоакутка «Птушыны свет» і дзіцячага лабірынта з пасадкай
дэкаратыўных кустоў. На наступны год запланаваны работы па абустройстве
маладзёжнай пляцоўкі, дарожак для прагулак, устаноўцы лавак, малых
архітэктурных форм, альтанак, дзіцячых гульнявых комплексаў.
У планах — правядзенне раённага конкурсу «Птушыны дом» па
будаўніцтве клетак для ўтрымання птушак у зоакутку «Птушыны свет». Ён пройдзе
сярод устаноў, арганізацый і прадпрыемстваў горада і раёна. Удзельнікі конкурсу
павінны падаць заяўкі ў аддзелы райвыканкама па напрамках дзейнасці.
Непасрэдна ўстаноўка домікаў для птушак будзе праходзіць у перыяд
з 12 па 20 жніўня, а вынікі падвядуць да 22 жніўня. Асноўныя крытэрыі ацэнкі —
акуратнасць выканання, майстэрства і творчая фантазія, эстэтычны выгляд,
выкарыстанне натуральных матэрыялаў, устойлівых да знешніх прыродных
уздзеянняў.
Маргарыта
САКОВІЧ