На сходзе грамадзян таксама прысутнічалі старшыня раённага Савета дэпутатаў Ірына Кісляк, старшыня Доктаравіцкага сельвыканкама Міхаіл Валуевіч і дырэктар ААТ «Піянер-Агра» Аляксандр Логіш.
■ Удзельнікі сходу грамадзян
Падчас размовы з кіраўніком раёна, арганізаванай у мясцовай школе, былі абмеркаваны праблемы, якія хвалююць вяскоўцаў. Было выказана шмат нараканняў на стан вясковых вуліц, многія з якіх не маюць асфальтавага пакрыцця. А гэта стварае пэўныя нязручнасці для людзей, што там пражываюць. Жанчыны скардзіліся, што падчас руху шматтонных аўтамабіляў пыл з-пад колаў запаланяе іх падвор’і і дамы, вокны ў пакоях адчыніць няма магчымасці, хіба толькі ў вячэрні час.
■ Сяргей Пілішчык
Прагучала просьба адрамантаваць мясцовы сельскі дом культуры, перанесці ў іншае месца кантэйнерную пляцоўку, абсталяваную для раздзельнага збору камунальных адходаў, вялася гутарка наконт магчымасці пракладкі водаправода, медыцынскага абслугоўвання вяскоўцаў. Былі абмеркаваны і іншыя пытанні.
Размова атрымалася вельмі шчырай. І хаця многія праблемы не ўдасца вырашыць так хутка, як гэтага хацелася б, вяскоўцы расходзіліся па дамах задаволеныя, бо новы кіраўнік раённай «вертыкалі» цяпер добра ведае, што іх хвалюе.
Маргарыта САКОВІЧ
