Наталля БЕЛКІНА, настаўніца Быстрыцкай СШ:
— За апошнія гады наша краіна зрабіла вялікі крок наперад у сваім развіцці. І будучыя змены прадыктаваны самім часам. Я чакаю, што новая Канстытуцыя будзе больш сучаснай. Усебеларускі народны сход стаў неад’емнай часткай грамадска-палітычнага жыцця нашай краіны, таму афіцыйнае замацаванне паўнамоцтваў яшчэ больш павысіць яго значнасць у грамадстве. Выкананне тых функцый, якія атрымае сход, а пра гэта неаднойчы казаў Кіраўнік дзяржавы, дасць магчымасць вырашыць праблемныя пытанні, назапашаныя ў грамадстве. Праект вывучаем паступова. Гэта робім самастойна, можна атрымаць кансултацыю ў грамадскай прыёмнай, падчас дыялогавых пляцовак, сустрэч.
Сяргей КОЗЕЛ
Источник http://www.kopyl.by
