Грамадская прыёмная, якая працуе ў кабінеце №18 райвыканкама, дазваляе жыхарам Капыльшчыны ўзняць актуальныя пытанні на ўзроўні органаў мясцовай улады.
Прыём грамадзян 9 жніўня правялі старшыня раённай арганізацыі Беларускага Чырвонага Крыжа Ніна Жук і старшыня раённай арганізацыі работнікаў культуры, інфармацыі, спорту і турызму Андрэй Лятчэня (на здымку).
— Не ва ўсіх ёсць магчымасць прыехаць у горад для вырашэння якіх-небудзь пытанняў, — гаворыць Ніна Жук. — Для гэтага ў грамадскай прыёмнай ёсць нумар тэлефона 50-0-91, куды таксама можна патэлефанаваць. Прадстаўнікі грамадскіх арганізацый уважліва выслухаюць і запішуць прапановы альбо адразу дадуць кваліфікаваную кансультацыю.
Адзначым, што грамадская прыёмная працуе з 11.00 да 14.00 і з 16.00 да 19.00. Наступны прыём адбудзецца 23 жніўня 2022 года.
Сяргей КОЗЕЛ
Источник «СП»