Падчас чарговага прыёму старшыня Капыльскага райвыканкама Сяргей Пілішчык разгледзеў тры звароты грамадзян.
Напрыклад, жыхарку аг. Лядна Слуцкага раёна непакоіць стан могілак у аг. Грозава, дзе пахаваны яе родныя і блізкія людзі. Яно часткова агароджана, у некаторых месцах зарасло хмызняком, да магіл цяжка дабрацца.
— Мае бацькі былі паважанымі людьмі ў Грозаве, — расказвае Нэла Уладзіміраўна. — Бацька быў на франтах Вялікай Айчыннай і ў партызанах. Хацелася б, каб месца, дзе яны знайшлі вечны спачын, было дагледжана. Наконт добраўпарадкавання самога пахавання мы ўжо дамовіліся з майстрам. А вось навокал… Калі патрэбны грошы, то мы ніколі не супраць унесці сваю долю.
Пытанне было пачута кіраўніком раёна і старшынёй Грозаўскага сельвыканкама Жаннай Скрыган. Сяргей Пілішчык запэўніў, што сам выедзе на месца і вывучыць праблему, вызначыць шляхі яе вырашэння, а мясцоваму сельвыканкаму парэкамендаваў правесці сход па дадзеным пытанні.
Зварот наконт пераразмеркавання маладога спецыяліста разгледжана ў ходзе прыёму і дадзены неабходныя тлумачэнні.
Адна з заяўніц выказала ўдзячнасць за тое, што Капыль сапраўды змяніўся да Дня беларускага пісьменства. Разам з тым выказала некаторыя заўвагі і прапановы. Усе яны разгледжаны падчас прыёму.
Сяргей КОЗЕЛ
Источник «СП»