Такога гонару былі ўдастоены мнагадзетная сям’я Уладзіміра і Ірыны Казакевіч з дзецьмі Віялетай, Кацярынай і Максімам, мнагадзетная сям’я Яўгена і Кацярыны Каленчыц з Ягорам, Настассяй і Аляксеем, маладая сям’я Давіда і Ангеліны Бізевых з Уладзіславам і Маргарытай (дарэчы, у апошніх дзвюх сем’ях не вельмі даўно зарэгістраваны нованароджаныя).
Віншаванні, кветкі і падарункі ўдзельнікам урачыстасці адрасавалі начальнік аддзела загс Капыльскага райвыканкама Вікторыя Траяновіч і кіраўнік спраў Блеўчыцкага сельвыканкама Вольга Пяцігорац.
— Ёсць на зямлi вечныя каштоўнасцi, значэнне якiх з цягам часу разумееш усё больш, — гэта родны дом, бацькi, дзецi, сям’я. Дзякуючы родным людзям мы не адчуваем сябе адзiнокiмi ў гэтым свеце, — заўважыла Вікторыя Траяновіч. — Сям’я для нас — гэта жыццёвы падмурак, самае галоўнае багацце. Тое, дзе мы чэрпаем сiлы i мудрасць, тое, што надае нам упэўненасцi ў заўтрашнiм днi. Гэта самае важнае ў жыццi. Сям’я — гэта крыніца любові, павагі, салідарнасці і прыхільнасці. Дзякуючы ёй мацнее і развіваецца дзяржава. Менавіта з сям’і пачынаецца жыццё чалавека, тут адбываецца фарміраванне яго як асобы. Тут чалавек нараджаецца не толькі фізічна, але і духоўна.
Сяргей КОЗЕЛ
Источник «СП»
