Людміла Іванаўна найперш пацікавілася, чым сёння жыве наш раён, чым заклапочаны людзі. Яна была гатова выслухаць любое пытанне і пасадзейнічаць сваёй дэпутацкай сілай у яго вырашэнні. Але на прыём прыйшла толькі адна жанчына, жыхарка Капыля. Ды і з праблемай спагнання з яе сына фінансавых выдаткаў за здзяйсненне ДТ3 яна не аднойчы звярталася па дапамогу. Дэпутат парэкамендавала для яе вырашэння падаць заяву ў суд.
– Асабісты прыём – гэта магчымасць для дыялогу з людзьмі, – падкрэсліла Людміла Ніжвіч. – Гэта вельмі важная сфера дзейнасці ўсяго дэпутацкага корпуса, якая дазваляе больш абʼектыўна ацэньваць сітуацыю, што складаецца ў рэгіёнах.
Сяргей КОЗЕЛ
Источник «СП»