3 жнiўня, Копыль /Уласн. iнф./. Днямі прайшла дзяржпрыёмка пасеваў вышэйшых рэпрадукцый у элітгасе – СВК “Ціміразеўскі”.У важным мерапрыемстве ўдзельнічалі прадстаўнікі аблсельгасхарчу Аляксандр Ліпай, супрацоўнікі ДУ “Мінская абласная дзяржінспекцыя па насенняводстве, каранціне і ахове раслін” Валянціна Каваленя, Юлія Складаноўская. Як адзначыла начальнік Капыльскай дзяржінспекцыі Валянціна Кухарчык, усе 1007 гектараў яравых збожжавых і 1035 – азімых у добрым і выдатным стане і адпавядаюць патрабаванням Дзяржстандарту. Праверана 27 участкаў. Кожны быў абжаты, захаваны раздзяляльныя палосы паміж гатункамі, якія ў абавязковым парадку абазначаны этыкеткамі.
Спецыялісты адзначылі, што ў СВК “Ціміразеўскі” вырошчванне збожжавых культур праводзілася без парушэнняў тэхналогіі. Барацьба з хваробамі і пустазеллем, апрацоўка фунгіцыдамі далі свой плён. Усе пасевы вышэйшых рэпрадукцый адпавядаюць прад’яўляемым нарматывам для элітгаса.
