7 кастрычнiка, Копыль /Уласн. iнф./. З 9 па 11 кастрычніка ў Паўднёва-Усходняй акрузе Масквы пройдуць Дні Мінскай вобласці.
У гэты час у расійскай сталіцы плануецца арганізаваць культурныя і спартыўныя мерапрыемствы, пасяджэнні круглага стала па пытаннях супрацоўніцтва паміж Мінскай вобласцю і Паўднёва-Усходняй акругай расійскай сталіцы, прадэманстраваць турыстычны патэнцыял Міншчыны і работы беларускіх майстроў народнай творчасці на выставах.
Паколькі прадукцыя прадпрыемстваў сталічнага рэгіёну карыстаецца попытам у масквічоў, вырашана правесці кірмаш-распрадажу тавараў народнага спажывання. Сярод прадпрыемстваў, якія возьмуць у ім удзел, і ААТ “Капыльскі масласырзавод”.
