19 кастрычнiка, Копыль /Уласн. iнф./. Тут у дзень Пакрова Прасвятой Багародзіцы прайшло абласное свята мнагадзетных матуль.
Старшыня аблвыканкама Леанід Крупец уручыў ордэн Маці 33 галоўным гераіням урачыстасці, якім яны ўзнагароджаны па ўказе Прэзідэнта Беларусі. Адначасова з дзяржаўнай узнагародай кожная з маці атрымала матэрыяльную дапамогу ў памеры пяці бюджэтаў пражытачнага мінімуму, а таксама дадатковую падтрымку, устаноўленую аблвыканкамам, у памеры 10 базавых велічынь.
Дарэчы, у ліку ўзнагароджаных ордэнам і Іна Грыгор’ева з в. Камень Капыльскага раёна. Удзел у абласным свяце таксама прынялі мнагадзетная маці Святлана Свяцкая і маці юнай спартсменкі Дар’і Несцерчык – Валянціна Несцерчык.