21 снежня, Капыль /Уласн. iнф./. ТАА “Капыльскі энергасервіс” абслугоўвае аб’екты сельгаспрадпрыемстваў і сацыяльнай сферы, забяспечваючы разнастайныя віды электрамантажных і сантэхнічных работ, электрафізічных вымярэнняў. Калектыў арганізацыі ў складзе 40 чалавек з пачатку года выканаў аб’ём работ на суму 1143 млн рублёў, у тым ліку электрамантажных— 426 млн, сантэхнічных – 556 млн рублёў.
Самай вопытнай брыгадай электрамантажнікаў, а іх у арганізацыі 12 чалавек, лічыцца брыгада С. С. Холада. Яе члены Ю. А. Еўдакімаў і А. Я. Пуцейка, як і сам брыгадзір, працуюць у энергасервісе больш за дзесятак гадоў і па праве заслужылі павагу і аўтарытэт у калег і кіраўніцтва. Апошнія два месяцы брыгада вяла мантаж прыбораў уліку электраэнергіі, электраабсталявання, рамонт і замену электраправодкі ў магазінах, установах адукацыі і культуры, рэдакцыі газеты “Слава працы”.