22 снежня, Капыль /Уласн. iнф./. У адпаведнасці з распараджэннем старшыні райвыканкама з 20 снежня 2009 года па 10 студзеня 2010 года ў раёне пройдзе навагодняя дабрачынная акцыя “Нашы дзеці”.
У яе рамках 28 снежня будзе арганізаваны дабрачынны навагодні ранішнік для дзяцей-інвалідаў, дзяцей-сірот і дзяцей, якія засталіся без бацькоўскай апекі. На наступны дзень кіраўніцтва раёна наведае маленькіх пацыентаў, каб павіншаваць з Новым годам і Калядамі і ўручыць падарункі. Для хлопчыкаў і дзяўчынак, пераможцаў школьных і раённых прадметных алімпіяд, лепшых юных спартсменаў 5 студзеня будучага года пройдзе раённае навагодняе свята. Ранішнікі адбудуцца ва ўсіх школьных і дашкольных установах, працоўных калектывах горада і раёна.
