5 студзеня, Капыль /Уласн. iнф./. У навагоднія дні кожны з нас чакае сапраўднага цуда. Але становіцца зусім нявесела, калі тваё здароўе ў гэты час пагаршаецца. Асабліва прыкра, што хварэюць дзеці і перад казачнымі святамі трапляюць на бальнічны ложак.5 студзеня, Капыль /Уласн. iнф./. У навагоднія дні кожны з нас чакае сапраўднага цуда. Але становіцца зусім нявесела, калі тваё здароўе ў гэты час пагаршаецца. Асабліва прыкра, што хварэюць дзеці і перад казачнымі святамі трапляюць на бальнічны ложак.
Па добрай традыцыі ўзняць настрой хлопчыкам і дзяўчынкам, якія апынуліся ў цэнтральнай раённай бальніцы, разам з Дзедам Марозам і Снягуркай напярэдадні Новага года прыехалі прадстаўнікі Капыльскага райвыканкама на чале са старшынёй Міхаілам Бодам. Віншаванні з надыходзячым святам, падарункі ад раённага выканаўчага камітэта, Беларускага дзіцячага фонду атрымалі малечы з дзіцячага, хірургічнага, інфекцыйнага аддзяленняў.
Прадстаўнічая дэлегацыя наведалася і ў сацыяльны прытулак, дзе яго выхаванцы падарылі гасцям шмат вершаў, песень, частушак. А за свае таленты атрымоўвалі навагоднія ласункі, мяккія цацкі, якія прыгатавалі для іх прадстаўнікі раённай “вертыкалі”, члены раённай арганізацыі рэспубліканскага грамадскага аб’яднання “Белая Русь”, прафкама работнікаў адукацыі і навукі ў рамках акцыі “Прафсаюзы – дзецям”, Беларускага дзіцячага фонду, а таксама супрацоўнікі раённага ваеннага камісарыята.
