27 студзеня, Капыль /Уласн. iнф./. Студзеньскія маразы ўнеслі карэктывы ў арганізацыю зімоўкі жывёлы. Узмоцнены кантроль за дзейнасцю вода- і цепласістэм. З мэтай аператыўнага прыняцця мер у выпадку збояў у рабоце жывёлагадоўчых аб’ектаў арганізавана кругласутачнае дзяжурства ў райвыканкаме, гаспадарках раёна.
Штодзённа на фермы выязджаюць адказныя ад райвыканкама, спецыялісты зааветслужбы раёна, якія не толькі кантралююць сітуацыю ў гаспадарках, але і дапамагаюць вырашаць пытанні, звязаныя з тэхналогіяй утрымання, кармлення і даення жывёлы.