9 лютага, Капыль /Уласн. iнф./. Многія кіраўнікі прадпрыемстваў і арганізацый АПК сур’ёзна ставяцца да таго, як праводзяць свой вольны час іх работнікі, і ідуць насустрач аматарам здаровага ладу жыцця. З гэтай нагоды арганізуюцца пастаянныя наведванні фізкультурна-аздараўленчага комплексу, дзе кожны можа (за кошт прафсаюза) выбраць любую паслугу, якую прадастаўляе ўстанова. Сярод такіх – СВК «Ванелевічы», ААТ «Старыца-Агра», «Капыльскі райаграсервіс».9 лютага, Капыль /Уласн. iнф./. Многія кіраўнікі прадпрыемстваў і арганізацый АПК сур’ёзна ставяцца да таго, як праводзяць свой вольны час іх работнікі, і ідуць насустрач аматарам здаровага ладу жыцця. З гэтай нагоды арганізуюцца пастаянныя наведванні фізкультурна-аздараўленчага комплексу, дзе кожны можа (за кошт прафсаюза) выбраць любую паслугу, якую прадастаўляе ўстанова. Сярод такіх – СВК «Ванелевічы», ААТ «Старыца-Агра», «Капыльскі райаграсервіс». Не так актыўна, але ж наведваюць ФАК ААТ «Капыльскі МСЗ», «Капыльскае», «П-з «Дусаеўшчына», СВК «Скабін», «Пацейкі», РСУП «С «Лясное», МАУП «Доктаравічы».
Зімовая раённая спартакіяда работнікаў АПК была арганізавана па ініцыятыве ўпраўлення райсельгасхарчу, райкама галіновага прафсаюза для папулярызацыі актыўнага адпачынку. Пад сваімі сцягамі яна сабрала 22 каманды аматараў здаровага ладу жыцця.
Аддзел фізічнай культуры, спорту і турызму падрыхтаваў цікавую і відовішчную, месцамі забаўляльную праграму спаборніцтваў для капыльскіх аграрыяў.
Кубак чэмпіёна другі год запар дастаўся камандзе СВК «Мажа-Агра». Другі вынік – у ААТ «Старыца-Агра», а трэці – у ААТ «Капыльскі МСЗ».
