11 лютага, Капыль /Уласн. iнф./. Пасля бягучага рамонту ў звыклым рэжыме пачало функцыянаваць дзіцячае аддзяленне Цэнтральнай раённай бальніцы, якое набыло прывабны, сучасны выгляд. Халодныя сіне-зялёныя фарбы, што пераважалі раней, змянілі цёплыя крэмавыя, светла-жоўтыя, ружовыя колеры. Увогуле, на касметычны рамонт, наладку электра- і сантэхнічнага абсталявання, выкананыя ПМК-98 г. Слуцка і УП “Медык-2003”, было зрасходавана 165 млн рублёў.11 лютага, Капыль /Уласн. iнф./. Пасля бягучага рамонту ў звыклым рэжыме пачало функцыянаваць дзіцячае аддзяленне Цэнтральнай раённай бальніцы, якое набыло прывабны, сучасны выгляд. Халодныя сіне-зялёныя фарбы, што пераважалі раней, змянілі цёплыя крэмавыя, светла-жоўтыя, ружовыя колеры. Увогуле, на касметычны рамонт, наладку электра- і сантэхнічнага абсталявання, выкананыя ПМК-98 г. Слуцка і УП “Медык-2003”, было зрасходавана 165 млн рублёў.
Палепшыліся і ўмовы знаходжання для маленькіх хворых, іх матуль: з’явілася гарачае водазабеспячэнне, усталявана душавая кабіна. Для зручнасці ўведзена і дадатковая (платная) паслуга. Дзякуючы ёй матуля за пэўную суму можа знаходзіцца ў аддзяленні побач са сваім дзіцем, якому ўжо споўнілася пяць і больш гадоў. Таксама з’явіліся новыя стэнды – куток для бацькоў, санбюлетэні, дзе можна знайсці карысную інфармацыю па разнастайных праблемных тэмах, звязаных з асабістай гігіенай, здаровым харчаваннем малыша і інш.
У дзень адкрыцця абноўленае дзіцячае аддзяленне наведалі старшыня райвыканкама Міхаіл Бода, старшыня райсавета дэпутатаў Марыя Сан- дрозд, галоўны дзяржаўны санітарны ўрач Капыль- скага раёна Аляксей Кароль. Разам з галоўным урачом УАЗ “Капыльская ЦРБ” Ірынай Гулевіч, загадчыцай аддзялення Наталляй Нарэйкай, яны пазнаёміліся з інтэр’ерам пакояў для знаходжання, харчавання дзяцей.
Ад імя раённай улады Міхаіл Бода ўручыў Наталлі Нарэйцы дакументы на халадзільнік для дзіцячага аддзялення, а Аляксей Кароль – набор цацак для маленькіх пацыентаў.
