18 лютага, Капыль /Уласн. iнф./. Па інфармацыі старшыні раённай тэрытарыяльнай выбарчай камісіі Івана Бабко, на дадзены момант закончылася фарміраванне тэрытарыяльных выбарчых камісій. У склад раённай тэрытарыяльнай выбарчай камісіі ўвайшлі 13 чалавек, у тым ліку 9 жанчын (69,2%), 3 дзяржаўныя служачыя (23,1%), уключаны прадстаўнікі грамадзян шляхам падачы заяў 7 чалавек (53,8%), працоўных калектываў – 1 (7,7%), грамадскіх аб’яднанняў і партый (“Белая Русь”, БРСМ, прафсаюзы, Беларускае грамадскае аб’яднанне ветэранаў, Камуністычная партыя Беларусі) – 5 (38,5%). На пасяджэнні тэрытарыяльнай камісіі вызначаны яе кіраўніцкі склад і прынята рашэнне аб утварэнні 40 выбарчых акруг па выбарах дэпутатаў раённага Савета дэпутатаў. Утворана 13 сельскіх тэрытарыяльных выбарчых камісій агульнай колькасцю 105 чалавек, з іх 93 жанчыны (88,6%), дзяржаўныя служачыя – 13 (13,4%), уключаны прадстаўнікі грамадзян шляхам падачы заяў – 61 (58,1%), працоўных калектываў – 6 (5,7%), грамадскіх аб’яднанняў (“Белая Русь”, БРСМ, прафсаюзы) – 38 (36,2%).
Утвораны 168 выбарчых акруг па выбарах дэпутатаў сельскіх Саветаў дэпутатаў. Рашэннем Мінскага аблвыканкама і абласнога Савета дэпутатў на тэрыторыі раёна ўтвораны Цімкавіцкая акруговая выбарчая камісія №47 і Капыльская акруговая выбарчая камісія №48 па выбарах дэпутатаў абласнога Савета дэпутатаў.
Сур’ёзным этапам у рабоце тэрытарыяльных выбарчых камісій з’яўляецца вылучэнне кандыдатаў у склад Саветаў дэпутатаў, якое пройдзе з 14 лютага па 15 красавіка. 18 лютага заканчваецца рэгістрацыя ініцыятыўных груп па зборы подпісаў у падтрымку кандыдатаў у дэпутаты.