24 лютага, Капыль /Уласн. iнф./. Святочны канцэрт, прымеркаваны да Дня абаронцаў Айчыны і Узброеных Сіл Рэспублікі Беларусь, адбыўся 23 лютага ў раённым Цэнтры культуры.
На гэты раз прадстаўнікоў моцнай паловы чалавецтва віншавалі са святам лепшыя калектывы мастацкай самадзейнасці і выканаўцы з Клеччыны. А вось народны вакальны жаночы ансамбль пад кіраўніцтвам Таццяны Хілько, салісты народнага ансамбля народнай песні “Спадчына”, народны вакальна-інструментальны ансамбль “Замкавая гара”, салісты і танцавальны калектыў Капыльскага раённага Цэнтра культуры ў гэты ж дзень далі святочны канцэрт у Клецкім Палацы культуры.